ელჩის ნოშრევან ლომთათიძის შეხვედრა ქუვეითის სახელმწიფოს პირველ ვიცე-პრემიერთან, ქვეყნის თავდაცვისა და შინაგან საქმეთა მინისტრთან, შეიხ ფაჰად ალ-იუსეფ საუდ ალ-საბაჰთან

2024 წლის 17 ნოემბერს, ქუვეითის სახელმწიფოში საქართველოს საგანგებო და სრულუფლებიანმა ელჩმა, ნოშრევან ლომთათიძემ შეხვედრა გამართა ქუვეითის სახელმწიფოს პირველ ვიცე-პრემიერთან, ქვეყნის თავდაცვისა და შინაგან საქმეთა მინისტრთან, შეიხ ფაჰად ალ-იუსეფ საუდ ალ-საბაჰთან.

შეხვედრაზე მხარეებმა განიხილეს ორმხრივი თანამშრომლობის საკითხების ფართო სპექტრი. აღინიშნა, რომ ორ ქვეყანას შორის განსაკუთრებული მეგობრული ურთიერთობებია და თანამშრომლობა წარმატებით ვითარდება.