2024 წლის 12 ოქტომბერს, ქუვეითის სახელმწიფოში საქართველოს საელჩოს ინიცაიტივით, ქუვეითში მცხოვრები საქართველოს მოქალაქეების ბავშვებისთვის საზეიმოდ გაიხსნა საკვირაო სკოლა. ქუვეითის სახელმწიფოში საქართველოს საგანგებო და სრულუფლებიანმა ელჩმა, ნოშრევან ლომთათიძემ გახსნით ღონისძიებაზე ქუვეითში მცხოვრებ თანამემამულეებთან ისაუბრა საკვირაო სკოლის მიზნებზე. იმის გათვალისწინებით, რომ ქუვეითში კვირა დღე სამუშაო დღეა, საკვირაო სკოლის ღონისძიებები გაიმართება შაბათ დღეს, 11:00 საათზე. საკვირაო სკოლა ქართული ენის სწავლებასთან ერთად, ხელს შეუწყობს საზღვარგარეთ საქართველოს მოქალაქეების მიერ ეროვნული და კულტურული თვითმყოფადობის შენარჩუნებას.